జర్మన్ ఐడియాలజీ ఏం చెపుతోంది?

       
   1845వేసవి కాలంలో మాంచెస్టరు నుంచి బ్రస్సెల్స్ కు తిరిగి వచ్చేసరికి తాము రాసిన పవిత్ర కుటుంబం గ్రంథానికి యువ హెగెలియన్స్ నుంచి అనేక ప్రశ్నలు వచ్చాయి. దాంతో పవిత్ర కుటుంబంలో పూర్తిగా వివరించని అంశాల గురించి తెలియ జేయాల్సిన అవసరాన్ని గుర్తించారు 
మార్క్స్, ఏంగెల్స్ లు.  వారిరువురూ రాసిన 'జర్మన్ ఐడియాలజీ' అనే పుస్తకాన్ని విడుదల చేశారు. 
      కార్మికవర్గం కమ్యూనిస్టు వ్యవస్థను సాధిస్తుందని, శాస్త్రీయ  కమ్యూనిస్టు సిద్ధాంతానికి తాత్విక ప్రాతిపదికగా చరిత్ర పట్ల  భౌతికవాద దృక్పథాన్ని స్పష్టం చేశారు. గతంలో జరిగిన విప్లవాలు వర్గాలనూ, వర్గ   పాలనను తొలగించలేదు. కమ్యూనిస్టు విప్లవం పాలనను, వర్గాలనూ అంతం చేస్తుందని విశదీకరిస్తూ అదే సమాజ పురోగమనానికి మార్గమని, సామాజిక చలన నియమాలు ఈ సత్యాన్ని రుజువు చేస్తున్నాయని ఈ గ్రంథంలో వివరించారు.

       ప్రకృతి, మానవుల మధ్య వున్న  పరస్పర చర్యల ద్వారా  అంటే ప్రకృతి - మానవుల గతితర్కంపై మానవ జాతి నాగరికత నిర్మాణమైందని చారిత్రిక భౌతికవాదం రుజువు చేసింది. మరో మాటలో మానవుల  భౌతిక జీవనాన్ని గురించి "జర్మన్ ఐడియాలజీ" లో మార్క్స్, ఏంగెల్స్ లు ఇలా చెప్పారు. "వ్యక్తులు వారి జీవితాన్ని ఎలా వ్యక్తం చేస్తారో అలాగే ఉంటారు. వారు చేసిన ఉత్పత్తి లోనే వారు వ్యక్తమౌతారు. వారు ఏది ఏవిధంగా ఉత్పత్తి చేశారో వారలాగే కనపడతారు. అందుకనే వ్యక్తులు ఎలా వుంటారనేది ఉత్పత్తి యొక్క భౌతిక పరిస్థితులపై ఆధారపడుతుంది." మార్క్స్ మరింత ముందుకు వెళ్ళి ఉత్పత్తి అంటే సామాజిక ఉత్పత్తి అని అన్నారు. ప్రకృతి ని తనకనుకూలంగా మార్చడంలో మానవుడుగా, తనకూ, ప్రకృతికీ మధ్య ఉత్పత్తి సాధనాలైన పనిముట్లను, సాంకేతిక పరికరాలను ప్రవేశపెడతాడు. ఈ సామాజిక పరిణామం    నిత్యం సాగుతూనే వుంటుంది.

     ప్రకృతిని ఉయోగించుకునే ప్రక్రియే ఆస్తి. వాస్తవంలో భాష , ఆస్తి  వినియోగ మూలం ఒక్కటే. ఆస్తి లేకుండా ఉత్పత్తి లేదు.  బానిస ఆస్తి, భూస్వామ్య ఆస్తి, పెట్టుబడిదారి ఆస్తి,సామ్యవాద ఆస్తి ఇవన్నీ సామాజిక ఆస్తి రూపాలు.వాస్తవంలో మార్క్స్ అన్నట్లు ఉత్పత్తిలో ఆస్తి కలిసే వుంటుంది.

       ప్రకృతితో  మానవుడు పరస్పర సంఘర్షణ పడుతూ  పదార్థాన్ని మార్పు చేస్తూ, ప్రకృతి నియమాలను అర్థం చేసుకుంటూ మానవుడు కూడా  మార్పుకు లోనౌతాడు. ప్రకృతిపై  ఆధిపత్యాన్ని సాధిస్తాడు. దాని కోసం ఉన్నతమైన సాంకేతిక పరిజ్ఞానాన్ని, ఉన్నత ప్రమాణం గల పనిముట్లను మానవుడు ఉపయోగిస్తాడు. ఫలితంగా ఉత్పత్తి శక్తులు(శ్రామికులు) అభివృద్ధి చెందుతాయి. సామాజిక ఉత్పత్తి శక్తులు, ఉత్పత్తి సంబంధాలు(శ్రామికులకు పనిముట్ల తో గల సంబంధాలు) కలిసి ఉత్పత్తి విధానమౌతుంది. ఇది  సమాజానికి సంబంధించిన ఆర్థిక నిర్మాణానికి ప్రాతిపదిక. దీనిపైనే ఉపరి నిర్మాణాలు(కళలు, సాహిత్యం,రాజకీయంమొ.వి) తయారవుతాయి.
    భావవాద భౌతికవాదాల మధ్య జరుగుతున్న   ఘర్షణలో మార్క్స్ చెప్పిన శాస్త్రీయ సిద్దాంతం విజయం సాధించింది. "నేను ఆలోచిస్తున్నాను. కనుక నేను వున్నాను" అనే రెనెడెకార్టే జవాబుకు "నేను ఉన్నాను. అందుకే నేను ఆలోచిస్తున్నాను. " అని ప్రతి జవాబు నిచ్చాడు మార్క్స్. ఇది మార్క్స్ ప్రాపంచిక దృక్పథం నుండి వచ్చింది.

___సీతారాం ఏచూరి

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

కార్పొరేట్ ఉప్పెనలో ఐక్యరాజ్యసమితి

చిత్రం
        ఐరాస పతాకం pc Wikipedia విశ్వ మానవాళి శ్రేయస్సుకోసమే ఐక్యరాజ్యసమితి ఏర్పడింది. కాని బహుళజా సంస్థలు దాని పాత్రను భ్రష్టు పట్టించే ప్రమాదముంది. 1970 మధ్య దశకం నుండి కార్పొరేట్ సంస్థలు ఐక్యరాజ్యసమితి పనితీరుపై తీవ్రమైన ప్రభావం చూపడం మొదలుపెట్టాయి. 1975 నుండి 1992 వరకు బహుళజాతి సంస్థలకు నిబంధనావళిని రూపొందించే విషయమై ఐక్యరాజ్యసమితిలో అనేకమార్లు చర్చ జరిగింది. 1992 నాటికి కార్పొరేట్ సంస్థలు మరింత బలపడడంతో నిబంధనావళి చర్చలకు తెరపడింది. ఎనలేని అధికారాలను, పలుకుబడిని సంతరించుకున్న బహుళజాతి సంస్థలు తమ కార్యకలాపాలను నియంత్రించేందుకు నియమావళి అంటూ ప్రత్యేకంగా ఉండాల్సిన అవసరం లేదని ఐక్యరాజ్యసమితిని బుజ్జగించాయి. బహుళజాతి సంస్థలపై ఐరాస కేంద్రం 1974లో ఏర్పాటైంది. వాణిజ్య వ్యవహారాలపై కేంద్రం ఐరాస ప్రధాన కార్యాలయం నుండి నిఘా వేసి ఉండేది. అన్ని దేశాలకు చెందిన కార్పొరేట్ సంస్థలకు ఒక నియమావళి ఏర్పాటు చేసి, అతిధేయ దేశాల ప్రయోజనాలు కాపాడాలని, పేద దేశాల బేరమాడే సామర్థ్యాన్ని పెంచాలని, జాతీయ అభివృద్ధి లక్ష్యాల్లో అంతర్భాగంగా బహుళజాతి సంస్థలు నడుచుకునేలా చూడాలని బరాసు కే...
మరింత చదవండి

కర్మసిద్ధాంత సర్పాన్ని చంపడం తేలికైన పనికాదు.

చిత్రం
కర్మసిద్ధాంత సర్పాన్ని  చంపడం  తేలికైన పనికాదు.        పేదలకు అప్పులు తీరడం, దున్నుకోడానికి భూమి దొరకడం లాంటి సమస్యలు మౌలికమైనవే. అయితే వారికి మానసిక వికాసం కల్గించవలసిన అవసరం లేదని  శుంఠవాదనలు చేసేవారు లెనిన్ కాలంలో కూడా కొందరుండేవారు. ఇలాంటి పండిత పుత్రులను ఆయన అత్యంత తీవ్రంగా మందలించాడు. మార్క్సిస్ట్ ఎడ్యుకేషన్ మాత్రమే శ్రామిక ప్రజల్ని చైతన్యవంతుల్ని గావించలేదనీ, దానికి చేదోడువాదోడుగా వారి అంధవిశ్వాసాల్ని నిర్మూలించే నాస్తిక ప్రచార సాహిత్యం సైతం వారికి అవసరమేనని లెనిన్ వక్కాణించాడు. చూడండి: 'It would be the biggest and most grievous mistake a marxist could make to think that the millions of the people (especially the peasants & artisans) who have been condemned by all modern society to darkness, ignorance and superstition, can extircate themselve from this darkness only along the straight line of a purely Marxist education. These masses should be supplied with the most varied atheist propaganda mat...
మరింత చదవండి

GDP ఎలా పంపిణీ అవుతోంది?

చిత్రం
         photo: businesstoday.in  ఏ కొలబద్దతో చూసినా సగటు లేదా తలసరి ఆదాయంతో ఒక దేశంలోని పౌరుల సంక్షేమాన్ని కొలవడం సముచితం కాదు. అది తెలుసుకోవాలంటే మొత్తం ఆదాయం లేదా స్థూల దేశీయ ఉత్పత్తి (జి.డి.పి.) ఎలా పంపిణీ అవుతుందో చూడాలి అంశాన్ని కొంత విపులీకరించాలంటే పొంతనలేని రెండు పంపిణీ ఈ విధానాలున్న సమాజాలను చూడండి. మొదటి సమాజంలో పంపిణీ పూర్తి సమానంగా అంటే ఒక్కో వ్యక్తికి 23,000 రూపాయల ఆదాయం ఉంది జనాభా 100 ఉంది. ఈ పద్ధతిలో అయితే సగటు మనిషి ఆదాయాన్ని లెక్కించడానికి తలసరి ఆదాయం కచ్చితమైన కొలబద్ద.  ఇక రెండో సమాజం గురించి చూడండి.  99 మంది బానిసలకు తలా వంద రూపాయల ఆదాయం మాత్రమే ఉన్న బానిస సమాజాన్ని ఊహించండి. మిగతా ఆదాయం అంతా ఒకే ఒక్క బానిస యజమానికి వెళుతుంది. యజమాని ఆదాయాన్ని ఇలా లెక్క కట్టవచ్చు : మొత్తం సమాజం ఆదాయం అంటే దాని జి.డి.పి. (100 మంది వ్యక్తులు X వ్యక్తికి 23,000 రూపాయలు). ఇందులో నుంచి 99 మంది బానిసల (99 X 100) మొత్తం ఆదాయాన్ని తీసివేయాలి. అంటే బానిస యజమాని ఆదాయం 22,90,100 అవుతుంది. అది ఒక బానిస ఆదాయం కన్నా 22.9 వేలరెట్లు ఎక్కువ బానిస సమ...
మరింత చదవండి