బూర్జువా సమాజం స్త్రీ లను ఉత్పత్తి పరికరంగా చూస్తుంది


బూర్జువా సమాజం స్త్రీ లను ఉత్పత్తి పరికరంగా చూస్తుంది


ఆధునిక పరిశ్రమ శ్రామికుల కుటుంబ సంబంధాలన్నింటినీ చిందరవందర
చేసేస్తోంది. కార్మికుల బిడ్డలు వ్యాపార వస్తువులుగానూ కూలిపని చేసే పనిముట్లు
గానూ మారిపోతున్నారు. ఈ క్రమం సాగుతున్న కొద్దీ, కుటుంబం గురించి విద్య గురించీ తల్లిదండ్రులకూ బిడ్డలకూ ఉన్న పవిత్ర సంబంధాల గురించీ బూర్జువాల చెత్త వాగుడు మరింత రోత పుట్టిస్తోంది. మీ కమ్యూనిస్టులు స్త్రీలను సమాజపరం చేస్తారో అని బూర్జువాలు కలిసికట్టుగా పెడబొబ్బలు పెడుతున్నారు.

బూర్జువాకి తన భార్య కేవలం ఒక ఉత్పత్తి పరికరంలా కనిపిస్తుంది. ఉత్పత్తి పరికరాలను సమష్టిగా అనుభవిస్తారన్నమాట బూర్జువా చెవుల్లో పడగానే స్త్రీలు కూడా సమాజపరం అయిపోతారనే నిర్ధారణకు వచ్చేస్తాడు.

కేవలం ఉత్పత్తి పరికరంగా పడివుండే దౌర్భాగ్యం నుంచి స్త్రీలను బయట పడేయడమే కమ్యూనిస్టుల ఉద్దేశమేమో అన్న కనీస సందేహం కూడా బూర్జువాకు రాదు.

కమ్యూనిస్టులు స్త్రీలను బహిరంగంగా శాసనపరంగా సమష్టి ఆస్తిగా మార్చేస్తారని తామే కల్పించి దానిపైన మన బూర్జువాలు తమ ఆగ్రహాన్ని వెలిగక్కుతున్నారు. అంతకంటే హాస్యాస్పదమైనది ఏముంది? అయినా స్త్రీలను సమష్టి ఆస్తిగా మార్చే పని కమ్యూనిస్టులు కొత్తగా చేయాల్సిన అవసరమే లేదు. అనాదిగా జరుగుతున్నది.
మన బూర్జువాలకు బజారు వేశ్యల మాట అటుంచి, తమ చేతికింది కార్మికుల భార్యలూ కూతుళ్లూ చాలక వారు ఒకరి పెళ్లాన్ని మరొకరు ఆకట్టుకోవడంలో అపారమైన ఆనందాన్ని పొందుతున్నారు.

బూర్జువా వివాహ వ్యవస్థే వాస్తవంలో ఒక సమష్టి పెళ్లాల వ్యవస్థ. ఈ విషయంలో కమ్యూనిస్టులపై ఏ నింద మోపుతారు? మహా అయితే, బూర్జువాలు చాటుమాటుగా చేసే పనినే కమ్యూనిస్టులు బాహాటంగా, చట్టబద్ధంగా చేస్తారు అనగలరు. అసలు ప్రస్తుత ఉత్పత్తి వ్యవస్థనే రద్దు చేసినప్పుడు ఆ వ్యవస్థకు పుట్టిన సమష్టి పెండ్లాల వ్యవస్థ కూడా రద్దు అవుతుంది. దానితో బహిరంగ వేశ్యావృత్తి పోతుంది. పరోక్ష వేశ్యావృత్తి అంతమవుతుంది.

మార్క్స్ ఎంగెల్స్
(కమ్యూనిస్తు ప్రణాళిక)

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

కార్పొరేట్ ఉప్పెనలో ఐక్యరాజ్యసమితి

చిత్రం
        ఐరాస పతాకం pc Wikipedia విశ్వ మానవాళి శ్రేయస్సుకోసమే ఐక్యరాజ్యసమితి ఏర్పడింది. కాని బహుళజా సంస్థలు దాని పాత్రను భ్రష్టు పట్టించే ప్రమాదముంది. 1970 మధ్య దశకం నుండి కార్పొరేట్ సంస్థలు ఐక్యరాజ్యసమితి పనితీరుపై తీవ్రమైన ప్రభావం చూపడం మొదలుపెట్టాయి. 1975 నుండి 1992 వరకు బహుళజాతి సంస్థలకు నిబంధనావళిని రూపొందించే విషయమై ఐక్యరాజ్యసమితిలో అనేకమార్లు చర్చ జరిగింది. 1992 నాటికి కార్పొరేట్ సంస్థలు మరింత బలపడడంతో నిబంధనావళి చర్చలకు తెరపడింది. ఎనలేని అధికారాలను, పలుకుబడిని సంతరించుకున్న బహుళజాతి సంస్థలు తమ కార్యకలాపాలను నియంత్రించేందుకు నియమావళి అంటూ ప్రత్యేకంగా ఉండాల్సిన అవసరం లేదని ఐక్యరాజ్యసమితిని బుజ్జగించాయి. బహుళజాతి సంస్థలపై ఐరాస కేంద్రం 1974లో ఏర్పాటైంది. వాణిజ్య వ్యవహారాలపై కేంద్రం ఐరాస ప్రధాన కార్యాలయం నుండి నిఘా వేసి ఉండేది. అన్ని దేశాలకు చెందిన కార్పొరేట్ సంస్థలకు ఒక నియమావళి ఏర్పాటు చేసి, అతిధేయ దేశాల ప్రయోజనాలు కాపాడాలని, పేద దేశాల బేరమాడే సామర్థ్యాన్ని పెంచాలని, జాతీయ అభివృద్ధి లక్ష్యాల్లో అంతర్భాగంగా బహుళజాతి సంస్థలు నడుచుకునేలా చూడాలని బరాసు కే...
మరింత చదవండి

కర్మసిద్ధాంత సర్పాన్ని చంపడం తేలికైన పనికాదు.

చిత్రం
కర్మసిద్ధాంత సర్పాన్ని  చంపడం  తేలికైన పనికాదు.        పేదలకు అప్పులు తీరడం, దున్నుకోడానికి భూమి దొరకడం లాంటి సమస్యలు మౌలికమైనవే. అయితే వారికి మానసిక వికాసం కల్గించవలసిన అవసరం లేదని  శుంఠవాదనలు చేసేవారు లెనిన్ కాలంలో కూడా కొందరుండేవారు. ఇలాంటి పండిత పుత్రులను ఆయన అత్యంత తీవ్రంగా మందలించాడు. మార్క్సిస్ట్ ఎడ్యుకేషన్ మాత్రమే శ్రామిక ప్రజల్ని చైతన్యవంతుల్ని గావించలేదనీ, దానికి చేదోడువాదోడుగా వారి అంధవిశ్వాసాల్ని నిర్మూలించే నాస్తిక ప్రచార సాహిత్యం సైతం వారికి అవసరమేనని లెనిన్ వక్కాణించాడు. చూడండి: 'It would be the biggest and most grievous mistake a marxist could make to think that the millions of the people (especially the peasants & artisans) who have been condemned by all modern society to darkness, ignorance and superstition, can extircate themselve from this darkness only along the straight line of a purely Marxist education. These masses should be supplied with the most varied atheist propaganda mat...
మరింత చదవండి

GDP ఎలా పంపిణీ అవుతోంది?

చిత్రం
         photo: businesstoday.in  ఏ కొలబద్దతో చూసినా సగటు లేదా తలసరి ఆదాయంతో ఒక దేశంలోని పౌరుల సంక్షేమాన్ని కొలవడం సముచితం కాదు. అది తెలుసుకోవాలంటే మొత్తం ఆదాయం లేదా స్థూల దేశీయ ఉత్పత్తి (జి.డి.పి.) ఎలా పంపిణీ అవుతుందో చూడాలి అంశాన్ని కొంత విపులీకరించాలంటే పొంతనలేని రెండు పంపిణీ ఈ విధానాలున్న సమాజాలను చూడండి. మొదటి సమాజంలో పంపిణీ పూర్తి సమానంగా అంటే ఒక్కో వ్యక్తికి 23,000 రూపాయల ఆదాయం ఉంది జనాభా 100 ఉంది. ఈ పద్ధతిలో అయితే సగటు మనిషి ఆదాయాన్ని లెక్కించడానికి తలసరి ఆదాయం కచ్చితమైన కొలబద్ద.  ఇక రెండో సమాజం గురించి చూడండి.  99 మంది బానిసలకు తలా వంద రూపాయల ఆదాయం మాత్రమే ఉన్న బానిస సమాజాన్ని ఊహించండి. మిగతా ఆదాయం అంతా ఒకే ఒక్క బానిస యజమానికి వెళుతుంది. యజమాని ఆదాయాన్ని ఇలా లెక్క కట్టవచ్చు : మొత్తం సమాజం ఆదాయం అంటే దాని జి.డి.పి. (100 మంది వ్యక్తులు X వ్యక్తికి 23,000 రూపాయలు). ఇందులో నుంచి 99 మంది బానిసల (99 X 100) మొత్తం ఆదాయాన్ని తీసివేయాలి. అంటే బానిస యజమాని ఆదాయం 22,90,100 అవుతుంది. అది ఒక బానిస ఆదాయం కన్నా 22.9 వేలరెట్లు ఎక్కువ బానిస సమ...
మరింత చదవండి