Left force

       pc: pinterest (1) అన్యవర్గ ప్రభావాలను ఎదుర్కోవడం పార్టీ వర్గ, ప్రజాపోరాటాలలో నిమగ్నమయినపుడు మాత్రమే సాధ్యమవుతుంది. పార్టీ వర్గ, ప్రజా సమస్యలను చేపట్టి వాటిపై నిరంతర పోరాటాలను నిర్వహించాలి.  (2)  పార్టీలోకి కొత్త సభ్యులను రిక్రూట్ చేసుకోవడం తప్పనిసరిగా పార్టీ. నిబంధనావళిలో పేర్కొన్న పద్ధతిలో జరగాలి. పార్టీ సభ్యత్వ పరిశీలన, పునరుద్ధరణ ప్రతిఏటా కచ్చితంగా జరగాలి. (3) పార్టీ శాఖలను చురుగ్గా పనిచేయించాలి. ప్రతి పార్టీ సభ్యుడు ఏదో ఒక ప్రజాసంఘంలో పనిచేసేలా చూడాలి. (4)కార్మిక వర్గం, ఇతర పునాది వర్గాలనుండి పార్టీ సభ్యులను రిక్రూట్ చేసుకోవడం ద్వారా బలపడాలి. వారి నుండి వచ్చిన కేడరును సైద్ధాంతికంగా అభివృద్ధి చేసి, ప్రమోట్ చేయాలి. పునాది వర్గాల నుండి హోల్టైమర్లుగా రావడానికి వీలు కలిగే విధంగా హోల్టైమర్లకు చెల్లించే వేతనాలు వారి కుటుంబ కనీస జీవనానికి తగినంతగా ఉండేలా జాగ్రత్త తీసుకోవాలి. (5) పార్టీ కమిటీల్లో విమర్శ, ఆత్మ విమర్శ జరగాలి. పార్టీలో అంతర్గత ప్రజాస్వామ్యాన్ని నెలకొల్పాలి, బ్యూరోక్రటిక్ ధోరణులను ప్రతిఘటించాలి. ఎలాంటి ముఠాకార్యకలాపాలకు పాల్పడకుండ...

దిద్దుబాటు ఉద్యమం  వర్గసమాజంలో పాలకవర్గాలు రాజ్యవ్యవస్థను అదుపుచేస్తూ ఉంటాయి. వారి భావజాలం సమాజంపై ఆధిపత్యం కలిగి ఉంటుంది. అలాంటి సమాజంలో కమ్యూనిస్టుపార్టీలోకి అన్యవర్గ భావజాలం ప్రవేశించే ప్రమాదం పొంచి ఉంటుంది. పార్టీ సిద్ధాంతాన్ని, స్వభావాన్ని నీరుగార్చడం ద్వారా పాలక వర్గాలు కమ్యూనిస్టుపార్టీని బలహీనపరిచేందుకు, విచ్ఛిన్నం చేసేందుకు ప్రయత్నిస్తాయి. అందుచేత కమ్యూనిస్టుపార్టీ అలాంటి ప్రభావాలను, చొరబాటును నిరంతరం ప్రతిఘటిస్తూ ఉండాలి. పార్టీ తన విప్లవ స్వభావాన్ని కాపాడుకోవాలంటే దిద్దుబాటును నిరంతర ప్రక్రియగా కొనసాగించాలి తప్ప, ఏదో ఒక్కసారి కార్యక్రమంలా ముగించకూడదు. పొరపాటు ధోరణులను, బలహీనతలను తొలగించుకొని, పార్టీని మరింత సమైక్యం చేయడం, బలోపేతం చేయడం దిద్దుబాటు ఉద్యమ లక్ష్యంగా ఉంటుంది.  పార్టీలోని పొరపాటు ధోరణులకు వ్యతిరేకంగా దిద్దుబాటు ఉద్యమాన్ని చేపట్టాలని పార్టీ 19వ మహాసభ నిర్ణయించింది. దీనికోసం 1996 దిద్దుబాటు ఉద్యమ పత్రాన్ని తాజాపరచాలని కేంద్ర కమిటీని ఆదేశించింది. 15వ లోక్సభ ఎన్నికల ఫలితాల సమీక్ష అలాంటి దిద్దుబాటు ఉద్యమ ఆవశ్యకతను నొక్కి చెప్పింది.  దిద్దుబాటు ...

           pc: vedikka.com 1. అతి అంచనాలు వేయడం రాష్ట్ర, జిల్లా అన్ని స్థాయిల్లోనూ తీవ్రంగా వున్నది. సానుకూలతను ఎక్కువగా, ప్రతికూలతను తక్కువగా, మన బలాన్ని ఎక్కువగా, ప్రత్యర్థుల బలాన్ని తక్కువగా, చేసిన కృషిని వచ్చిన ఫలితాలను ఎక్కువగా, లోపాలను, - బలహీనతలను తక్కువగా చూపించడం జరుగుతుంది. ఇదొక తీవ్రమైన బలహీనత అని కూడా ఎక్కువమంది భావించడంలేదు. అంచనాలు వేసేటప్పుడు, చెప్పేటప్పుడు యథాలాపంగా వ్యవహరిస్తున్నాం. నిర్ణయాలను అమలుచేసిన తర్వాత, ఫలితాలు వచ్చిన తర్వాత, అంచనాలు తప్పు అని తెలిసిన తర్వాత కూడా మన లోపాన్ని ఆషామాషీగానే తీసుకొంటున్నాం. వాస్తవాలకు దగ్గరగా అంచనావేయడమనేది ప్రధానమైన, బాధ్యతాయుతమైన పనిగా ఎక్కువ మంది భావించడం లేదు. పొరపాటు అంచనాల పర్యవసానం ఉద్యమానికి హానికరంగా వుంటుందన్న స్పృహ పరిమితంగా వున్నది. మున్సిపల్ ఎన్నికల్లో, స్థానిక సంస్థల ఎన్నికల్లో, శాసనసభా ఎన్నికల్లో, ఉద్యమాలు, పోరాటాల సందర్భంలో అతి అంచనాలు స్పష్టంగా కనబడ్డాయి. సరియైన అంచనాలు మినహాయింపులుగానే మిగిలాయి. అతి అంచనాల మూలంగా ఆశించిన ఫలితాలు రానప్పుడు నీరసం, నిస్పృహకు గురవుతున్నాం. 2. పద...

మితవాద పార్టీలు-కార్పొరేట్లు ప్రపంచం మొత్తం మీద ఆధిపత్యాన్ని సాధించిన అంతర్జాతీయ ద్రవ్య పెట్టుబడితో దేశంలోని బడా పెట్టుబడిదారీ వర్గం కలిసిపోయింది. అందుచేత బడా పెట్టుబడిదారీ వర్గాన్ని(corporates) విమర్శించడమంటే అంతర్జాతీయ ద్రవ్య పెట్టుబడి ద్వారా వచ్చిన పెట్టుబడీదారీ అనుకూల  విధానాలను విమర్శించడమే అవుతుంది.          ప్రస్తుత కాలంలో ద్రవ్య పెట్టుబడి అంతర్జాతీయ స్వభావాన్ని పూర్తిగా సంతరించు కుంది. ఇది ఆయా జాతీయ ప్రభుత్వాలని ధిక్కరించగల, శాసించగల శక్తి కలిగివుంది. ఏదైనా ఒక దేశంలో ఒక ప్రభుత్వం గనుక ఈ అంతర్జాతీయ ద్రవ్య పెట్టుబడి పెత్తనాన్ని సవాలు చేయాలనుకుంటే ముందు ఆ దేశం ప్రపంచీకరణ వల నుండి బైట పడవలసి వుంటుంది. ఇప్పుడు ప్రపంచ వ్యాప్తంగా సాగుతున్న ద్రవ్య పెట్టుబడుల ప్రవాహం ఏ ఒక్క దేశపు నియంత్రణలోనూ లేదు. ఆయా దేశాల ఆర్థిక స్వయంనిర్ణయాధికారాన్ని లెక్కచేయని విధంగా అంతర్జాతీయ ద్రవ్య పెట్టుబడి వ్యవహరిస్తోంది.  ఏదో ఒక మేరకు నయా ఉదారవాద విధానాల(ప్రపంచీకరణ విధానాల) అమలును వ్యతిరేకిస్తూ వచ్చిన స్వదేశీ జాగరణ్‌ మంచ్‌ వంటి ఆరెస్సెస్‌ అనుబంధ సంస్థలను పక్కనపెట్...

         (pc: Wikipedia)    ఇంతవరకు నడచిన సమాజపు చరిత్ర అంతా వర్గ పోరాటాల చరిత్రే అనే మొదటి వాక్యం తో కమ్యూనిస్టు మానిఫెస్టో ప్రారంభమవుతుంది. ఈ వర్గం పోరాటం బూర్జువా వర్గానికి, కార్మికుల మధ్య జరుగుతుందనే విషయాన్ని మార్క్స్ చెప్పాడు. బూర్జువా వర్గం పెరిగే కొద్దీ మార్క్స్ చెప్పిన వర్గపోరాట సిద్దాంతం మరింత స్పష్టంగా అందరికీ అర్థమయింది.      బూర్జువా యుగానికి ఒక విశిష్టమైన లక్షణం వుంది.  అది వర్గ వైరుధ్యాలలోని సంకీర్ణతను తొలగించింది. అంతకంతకూ మొత్తం సమాజమంతా బూర్జువావర్గం, కార్మికవర్గం అనే రెండు మహత్తర శత్రు శిబిరాలుగా, పరస్పరాభిముఖాలైన రెండు మహా వర్గాలుగా నిలబెట్టింది. పట్టణాలలోని చేతిపనివాళ్లూ, వర్తకులూ ఫ్యూడల్ ప్రభువుల పెత్తనానికి లోబడకుండా స్వతంత్రులుగా బతకవచ్చునని ఆ దేశపు రాజులు శాసనాలు చేసేవాళ్ళు. ఇది ఊరకే రాలేదు.               ఫ్యూడల్(భూస్వామ్య) ప్రభువుల కింద దాసులుగా వున్నవాళ్లు పారిపోయి దూరపు పట్టణాలు చేరి, అనేక పోరాటాల తర్వాత యీ స్వాతంత్ర్యం సంపాదించుకొన్నారు. ఆ పట్టణాలనే కమ్...

    యువతీ యువకులు అన్యాయాలను  సహించలేరు.  కొత్తదనానికి ఆకర్షింప బడతారు.  యువజనులు భిన్న వైఖరులు అవలంబిస్తారని కొందరంటారు. అసలు పరిస్థితేమిటి? సమాజం అనేది సంబంధాలను కలిగి ఉన్న ఒక అల్లిక వంటిది.పాత్ర అనేది ఒక వ్యక్తి యొక్క చర్యలతో కూడుకొన్నది. సాంఘిక చైతన్యం యొక్క కారకాలు ముఖ్యమైనవి రెండు అవి (1) విద్య (2) ఆదాయ స్థితి.  విద్య ఆదాయ హెూదాను మెరుగుపరచడానికి అవకాశం కల్పిస్తుంది.  యువత సమాజ అభివృద్ధిలో పాల్గొనడమే కాదు. యువ తరం జీవితంలోని అన్ని అంశాలను తెలుసుకోవటానికి ప్రయత్నిస్తుంది, ఈ రోజుల్లో, శ్రమ సిగ్గుచేటుగా మారింది. యువకులు ఎటువంటి ప్రయత్నం చేయకుండా డబ్బు సంపాదించాలని కోరుకుంటారు. వ్యాపారవేత్తలు మరియు పారిశ్రామికవేత్తల గౌరవార్థం స్పెక్యులేటర్లు అని పిలువబడే వ్యక్తులు ఇప్పుడు రోల్ మోడల్స్ అవుతున్నారు.      మంచి పెంపకమనేది గౌరవనీయమైన విషయం.దాని ద్వారా యువకులు వృద్ధులకు సహాయం చేయగలగాలి. ఒకరికొకరు సహాయపడగాలి. ఇటీవల నేర్పుతున్న విద్య లో ప్రాథమిక ప్రమాణాలు కూడా కనుమరుగయ్యాయి.       ప్రజలు మానవత్వాన్ని,  భావోద్వేగాలను కాపాడుక...

జ్ఞానం అంటే ఏమిటి?                       ___ మావో వర్గ సమాజం ఏర్పడినప్పటి నుండి ప్రపంచంలో రెండే రకాల జ్ఞానాలున్నాయి. ఒకటి ఉత్పత్తికోసం పోరాడేజ్ఞానం, మరొకటి వర్గ పోరాటం జ్ఞానం. ఈ రెండు రకాల జ్ఞానాల ఘనీభవించిన రూపాలే ప్రకృతి శాస్త్రం, సామాజిక శాస్త్రం. ప్రకృతి గురించిన జ్ఞానం, సమాజాన్ని గురించిన జ్ఞానం. ఇంకొక రకమైన జ్ఞానం ఏదైనా వుందా? లేదు.         సమాజంలోని ఆచరణాత్మక కార్యక్రమంతో ఏమాత్రం సంబంధంలేని పాఠశాలలో చదివే విద్యార్థులను పరిశీలిద్దాం. వాళ్ళ స్థితి ఏమిటి? ఇటువంటి ప్రాథమిక పాఠశాలలో చదివిన వ్యక్తి అక్కడి నుండి అటువంటి విశ్వ విద్యాలయంలోకి ప్రవేశిస్తాడు. ఆ విధంగానే పట్టభద్రుడవుతాడు. అతడు విజ్ఞాన నిధిగా భావించబడతాడు. అయితే అతనికున్నదంతా పుస్తక విజ్ఞానం మాత్రమే అతను ఇప్పటి వరకు ఏ ఆచరణాత్మక కార్యక్రమంలోనూ పాల్గొనలేదు. తాను నేర్చుకున్న దానిని ఏ జీవిత రంగానికి అన్వయించలేదు. అటువంటి వ్యక్తిని పూర్తిగా అభివృద్ధి చెందిన మేధావిగా భావించగలమా? పరిగణించలేమనేదే నా అభిప్రాయం. ఎందుకంటే, అతని జ్ఞానం అసంపూర్...

         pc: amp.scmp.com mao మన దేశ ప్రాచీన చరిత్ర తెలుసుకోవాలి                            __ మావో   కొంత మంది పార్టీ సభ్యులు,సానుభూతిపరులు   చరిత్ర అధ్యయనం లో ఉన్నప్పటికీ అది ఒక క్రమపద్ధతిలో జరగడంలేదు. గత వంద సంత్సరాల చరిత్ర కానివ్వండి, పురాతన కాలం నాటి చరిత్ర కానివ్వండి. మొత్తం మీద మన దేశ చరిత్ర గురించి మన పార్టీ సభ్యులు చాలా మంది ఇంకా అయోమయంలోనే వున్నారు. పురాతన గ్రీసును ఉదహరించకుండా మాట్లాడలేని మార్క్సిస్టు-లెనినిస్టు పండితులు చాలా మంది వున్నారు. కానీ తమ పూర్వీకుల గురించి మాత్రం వారు పూర్తిగా మర్చిపోతారు. ప్రస్తుత పరిస్థితుల్నిగాని, తమ చరిత్రనుగాని లోతుగా అధ్యయనం చేయడంలేదు.  మన చరిత్ర ఏమీ తెలియకపోవడం, లేదా అతికొద్దిగా తెలియడం మూలంగా సిగ్గుపడటానికి బదులు గర్వించేవాళ్ళు కొంత మంది వున్నారు. వాస్తవానికి మన దేశ కమ్యూనిస్టు పార్టీ చరిత్ర, నల్లమందు యుద్ధం నుండి వంద సంవత్సరాల ఆర్థిక, రాజకీయ, సైనిక, సాంస్కృతిక చరిత్రని అధ్యయనం చేయడాన్ని ఎవరూ తీవ్రంగా పట్టించుకో...